Yn ystod y sesiwn byddwn yn cyflwyno’r delweddau diweddaraf o’r cynllun. Mae’r delweddau hefyd ar gael ar wefan y prosiect i’w gweld. Os na allwch fynychu’r sesiwn, anfonwch unrhyw adborth i’r cyfeiriad e-bost callabermaw@gwynedd.llyw.cymru erbyn 03/04/26.

Mae Cynllun Lliniaru Llifogydd yng Nghei Gogledd Abermaw (FAS) wedi bod yn cael ei ddatblygu ers sawl blwyddyn, a’i nod yw diogelu mwy na 700 o eiddo sydd ar hyn o bryd mewn perygl o lifogydd arfordirol yn Abermaw.

 

Cynhaliwyd digwyddiad ymgynghori cyhoeddus yn 2019 fel rhan o gam yr Achos Busnes Amlinellol (ABA), lle cyflwynwyd ac ymdriniwyd ag amrywiaeth o opsiynau lliniaru llifogydd. Daeth yr ABA i’r casgliad mai’r opsiwn a ffafrir oedd gwella’r amddiffynfeydd presennol rhag llifogydd.

 

Ar ôl cymeradwyo’r ABA yn 2021, dyrannwyd cyllid pellach i’r prosiect drwy raglen Rheoli Risg Llifogydd ac Erydiad Arfordirol (RRLEA) Llywodraeth Cymru er mwyn symud ymlaen i’r Achos Busnes Llawn (ABLL). Mae’r cam hwn yn cynnwys dylunio manwl a gwerthuso’r opsiwn a ffafrir. Mae’r datblygiad arfaethedig yn seiliedig ar asesiadau cynhwysfawr, arolygon, ac ymchwiliadau safle, gan gynnwys modelu corfforol i ddilysu geometreg y seilwaith amddiffyn rhag llifogydd a gynigir.

 

Cynhaliwyd digwyddiad ymgynghori cyhoeddus ym mis Ionawr 2025 i gyflwyno a thrafod yr opsiwn a ffafrir. Yn dilyn rhagor o waith dylunio manwl a dadansoddi technegol, cynhaliwyd ymgynghoriad cyhoeddus pellach ym mis Medi 2025.

 

Bu’r datblygiad arfaethedig hefyd yn destun Ymgynghoriad Cyn-Cais Cynllunio (YCC) ddiwedd 2025. Mae’r broses statudol hon, ar gyfer datblygiadau mawr, yn darparu cyfle i ymgysylltu â’r gymuned leol a’r awdurdodau cynllunio cyn cyflwyno cais cynllunio, gan alluogi casglu adborth a mynd i’r afael ag unrhyw bryderon.

 

Rydym ar hyn o bryd yn adolygu’r adborth a dderbyniwyd fel rhan o’r broses YCC ac yn bwriadu cynnal rhagor o ymgysylltu cyn cyflwyno unrhyw gais cynllunio. Mae’r ymgynghorwyr ar hyn o bryd yn gweithio ar ddelweddau swyddogol o’r prosiect er mwyn rhoi gwell dealltwriaeth i’r gymuned o’r cynllun yn ei gyfanrwydd

 

Uchder mwyaf arfaethedig y wal sêl gefn fyddai 1.7m (5 troedfedd 6 modfedd). Mae hyn ar hyn o bryd yn cael ei adolygu fel rhan o’r dyluniad manwl a rhoddir rhagor o fanylion fel rhan o’r ymgysylltu pellach yn dilyn yr ymatebion YCC.

Bydd sesiwn galw heibio ar yr 24/09/2025  i gyflwyno’r datblygiadau dylunio a’r lluniadau diweddaraf ar gyfer Cynllun Lliniaru Llifogydd Promenâd y Gogledd.

Sesiwn galw heibio

Rydym yn cynnal sesiwn galw heibio yn Byw’n Iach Pafiliwn, Abermaw, LL42 1NF ar yr 28/01/25 o 10yb tan 7yh.

Byddwn yn cyflwyno dyluniad diweddaraf y cynllun, rhaglen waith, ateb cwestiynau a chyflwyno’r tîm!

Rhyddhau OBC Promenâd Gogledd Bermo

Lluniwyd yr adroddiad hwn i gyflwyno’r achos busnes i Lywodraeth Cymru er mwyn sicrhau cyllid ar gyfer cam nesaf y prosiect.