Polisi Rheoli Traethlin

Mae Abermaw yn dod dan Gynllun Rheoli Traethlin 2 (CRhT2) Gorllewin Cymru (2011). Y polisi presennol ar gyfer Promenâd Gogledd Abermaw ydy ‘cynnal y llinell’ yn y tymor byr. Mae CRhT2 yn nodi pwysau sylweddol yn sgil codiad yn lefel y môr, ac yn awgrymu y bydd yn debygol o fynd yn gynyddol anodd cynnal y llinell bresennol ac y dylid newid i ‘adlinio a reolir’ ar gyfer y tymor canol a’r hirdymor. Mae “tymor byr” yn mynd hyd at 2025, “tymor canol” hyd at 2055 a “hirdymor” hyd at 2105.  

Mae CRhTau ar lefel uchel gyda amserlen dangosol. Canfu astudiaethau manwl fod erydu arfordirol a pherygl llifogydd yn rhyngweithio â glannau cyfagos Llanaber a De Abermaw (y ddau yn ‘cynnal y llinell’ yn yr hirdymor). Gyda modelu a gwerthuso, mae’r achos dros fuddsoddi i wella’r amddiffynfeydd hyd at 2075 wedi’i brofi. Mae’r dull yma o reoli’r traethlin yn i groes i’r polisi rheoli traethlin presennol ar gyfer y rhan yma o’r arfordir, felly mae’r polisi presennol yn cael ei herio.  

Yn yr hirdymor, ceir dewis o opsiynau yn amrywio o gynnal y llinell gyda buddsoddiad, i gynnal neu wella’r amddiffynfeydd, i ddigomisiynu’r cyfan/rhywfaint o’r promenâd presennol er mwyn galluogi adlinio a reolir (ar y dde isod). Bwriedir monitro perfformiad yr amddiffynfeydd. Bydd y canfyddiadau yn dylanwadu ar yr achos dros fuddsoddiad pellach a’r ymagwedd hirdymor. 

Mae rhagor o wybodaeth ynglŷn a’r broses o werthuso ac arolygu opsiynau sydd wedi digwydd hyd yma, a sut y maent yn berthnasol i’r polisi rheoli traethlin, ar gael yn y ddogfen.

Er mwyn derbyn caniatâd  statudol bydd angen newid i bolisi CRhT2 ar gyfer y Datblygiad Arfaethedig o Adlinio a Reolir i Gynnal y Llinell hyd at o leiaf 2075. Mae Is-grŵp Newid Polisi wedi’i sefydlu gan Grŵp Arfordirol Gorllewin Cymru i reoli’r newid hwn, yn unol a’i cyfarwyddyd a’r rheoli newid WCGF_Majorpolicychange

Mae’r dogfennau a ddefnyddiwyd i gefnogi’r her i’r PRhT cyfredol ar gael isod.